Hvað með leiðréttinguna

Var ekki verið að leiðrétta síðustu 10 krónu hækkunina? Sumar bensínstöðvar voru meira að segja að endurgreiða fólki fyrir mistökin. Það sem hægt er að draga okkur á asnaeyrunum endalaust. Verða Íslendingar ekki að standa saman og gera þjóðarátak í því að hætta að keyra. Nota strætó og hjóla. Ef allir standa saman þá verða olíufélögin að lækka bensínið. Við erum allt of mikið að röfla og bíða eftir að aðrir geri eitthvað. Stöndum saman og förum í akstursverkfall. Þýðir ekki að lemja í potta fyrir framan alþingishúsið byrjum heima hjá okkur og neitum að keyra.

Enn hækkar eldsneyti

Athugasemdir

[Geir Gudmundsson (IP-tala skráð) 17.6.2009 kl. 11:20]

Góð hugmynd.  Ég sting upp á því að þú bloggir aðeins um það hvernig fjölskyldu þinni gengur að vera í akstursverkfalli.  Ég ætla allavega að hjóla í vinnuna á morgun.

[Jóhanna Sigrún Jónsdóttir, 17.6.2009 kl. 11:33]

það væri auðvelt fyrir mig og mína. Labba í vinnuna, nota strætó og hjóla. T:D myndi ég  ekki ferðast um landið í sumar ef farið væri í svona aðgerð ( ætlaði reyndar ekki að gera mikið af því vegna bensínkostnaðar) Fólk gæti tekið sig saman í alvöru í nokkrar vikur eins og það stóð saman og ríkisstjórnin féll.  Bara ákveða daginn og stundina og láta göturnar verða tómar í nokkra daga.

[Bragi Þór Valsson (IP-tala skráð) 17.6.2009 kl. 11:39]

Þú fyrst!  Sýndu gott fordæmi.

[Jóhanna Sigrún Jónsdóttir, 17.6.2009 kl. 11:41]

ég er byrjuð, látið berast

[Elín (IP-tala skráð) 18.6.2009 kl. 17:46]

Hanna, mér líst ekkert á þetta - ætlaru þá ekkert að koma á Stöddann í sumar? Ég mótmæli þessum mótmælum hjá þér.

(að vísu stæði ég klárlega með þér ef ég byggi fyrir sunnan - sem er draumur í dós, laaaaaaangar að flytja suður)

[Jóhanna Sigrún Jónsdóttir, 18.6.2009 kl. 18:11]

Ég kem hjólandi austur ... ég fer ekki að klikka á þessu. Já flytið til RVK, líst vel á það. Styð þig 100% í því.